Akademik Opera və Balet Teatrının solisti, əməkdar artist Fidan Hacıyeva yeni televiziya layihə üzərində çalışır.
Bu barədə müğənni keçirdiyi mətbuat konfransında bildirib. Onun sözlərinə görə, AzTV-də yayımlanacaq veriliş "Harmoniya" adlanır. Proqramın yaradılmasında məqsədi Azərbaycan mədəniyyətinin dünya xalqları tərəfindən tanınmasıdır.
Veriliş Azərbaycan və ingilis dillərində olacaq. Proqrama ölkəmizdə olan xarici diplomatik korpusların nümayəndələri, xanımları dəvət olunacaq. Eyni zamanda verilişdə gənc solistlər də öz ifaları ilə çıxış edəcəklər.
Ayda 2 dəfə efirə çıxacaq verilişin ilk yayımı dahi Üzeyir Hacıbəyova həsr olunacaq və onun əsərləri səslənəcək.