Səməd Vurğun adına Rus Dram Teatrı yeni teatr mövsümünün açılışına hazırlaşır. Teatr 138-ci teatr mövsümünün açılışında "Vəziri - xani Lənkəran" tamaşası ilə çıxış edəcək. Bu il həm də teatrın 90 illik yubileyidir.

Yaşar Məmmədsadıq oğlu Nuri 1951-ci il sentyabr ayının 3-də Bakıda tanınmış aktyor Məmmədsadıq Nuriyevin ailəsində dünyaya gəlib. İlk dəfə Səhnəyə on bir yaşında ADMKT-də "Toy kimindir?" tamaşasında Tapdıq rolunda çıxıb. Məktəbli vaxtlarında dövlət televiziyasının "Yelkən" verilişinin aparıcılarından olub.  .

Dünyanın aparıcı televiziya kanalları Azərbaycanda qurulan Bayraq meydanına diqqət çəkib. "Euronews" telekanalında yayımlanan reportajda qeyd olunub ki, Azərbaycan bayrağı dalğalandığı bu dirək dünyada ən hündür bayraq dirəyi hesab olunur.

Akademik Opera və Balet Teatrının rəhbərliyi məşhur dirijor, Rusiyanın əməkdar artisti Andrey Anixanovu Bakıya dəvət edib. Bu barədə teatrın mətbuat xidmətindən məlumat verib.

Türkiyənin Zəfər Bayramı münasibətilə Ağrı dağının zirvəsini fəth edən 5 azərbaycanlı alpinist dağın zirvəsində Azərbaycanın bayrağını, habelə ulu öndər Heydər Əliyevin "Bir millət, iki dövlət" və Mustafa Kamal Atatürkün "Azərbaycanın sevinci bizim sevincimiz, kədəri bizim kədərimizdir" kəlamları yazılmış şüarları başları üzərinə qaldırıblar.

Azərbaycanın dünya şöhrətli bəstəkarı Üzeyir Hacıbəylinin anadan olmasının 125 illiyi ABŞ-da da qeyd ediləcək. Bu barədə Qarabağ Fondunun Avropa və MDB ölkələri üzrə nümayəndəsi Tural Kərimli məlumat verib. Onun sözlərinə görə, Qarabağ Fondu bu məqsədlə ilin sonunadək ABŞ-da bir sıra mədəni tədbirlər keçirəcək.

İslam Konfransı Təşkilatının mədəniyyət nazirlərinin Bakıda keçirilən 6-cı iclasında İraqın Nəcəf şəhəri 2012-ci ildə islam mədəniyyətinin paytaxtı elan edilib.

Azərbaycan Dövlət Gənc Tamaşaçılar Teatrı yeni tamaşalar təqdim edəcək. Bunlar Uilyam Şekspirin "Romeo və Cülyetta", Tamara Vəliyevanın "Mənim ağ göyərçinim", Əli Əmirlinin "Sən məni sevirsən" və xalq yazıçısı Elçinin "Buzovna kəndinin əhvalatları" tamaşalarıdır.

"Əli və Nino" nəşriyyat evinin dəstəyi ilə nəşr edilmiş Natella Osmanlının "Lollipop" adlı kitabı Rusiyanın "Novaya Slovesnost (NOS)" ədəbiyyat mükafatına təqdim olunub.

"Oskar" Kino Şirkəti Qafqaz İslam Ordusunun Azərbaycana gəlişi, bu ordunun uğurlu missiyası və Bakının erməni-daşnak qüvvələrindən azad edilməsinə həsr olunmuş bədii-sənədli film istehsal edib. TRT-nin Bakı nümayəndəliyinin, Regional Televiziya Şəbəkəsinin, Xəzər TV-nin və Cənub Regional Televiziyasının texniki və informasiya dəstəyi ilə hazırlanan film 1918-ci ilin 25 mayından 15 sentyabra qədər olan dövrü əhatə edir.